تحدّث النجم التونسي محمد بن رمضان، لاعب وسط النادي الأهلي، عن الفارق الكبير الذي لمسه في أجواء الاستقبال والانخراط داخل الأهليمنذ انتقاله، مقارنةً بتجربته السابقة في المجر، مؤكدًا أن وجوده في بيئة عربية جعل الأمور أسهل وأكثر دفئًا.

وقال بن رمضان في تصريحات لقناة "أون تايم سبورت": "لما جيت المجر كان الوضع مختلف تمامًا، لكن في الأهلي، من أول لحظة حسّيت نفسي بين أهلي، ناس زي العائلة، كل الفريق رحّب بينا، مش أنا بس، كل اللاعبين الجدد، ودي حاجة تفرّح وتساعدك تقدم أكتر."

وحول الفارق بين المنظومتين الكرويتين، أوضح: "في أوروبا فيه اختلاف في اللغة والعقلية وطريقة التعامل، أما هنا، التقارب كبير، حتى في المفاوضات والاستقبال، حسيت إن كل حاجة سهلة وطبيعية، وده بيفرق نفسيًا مع أي لاعب."

وفيما يخص الضغط الجماهيري، ردّ بن رمضان بثقة: "مش ضغط.. بالعكس، ده حافز كبير ليا، جمهور الأهلي مستنيني، ودي حاجة بتشجعني أكتر إني أدي كل حاجة عندي، وإن شاء الله أكون قد المسؤولية وأفرّحهم في الملعب."