أكد عمر كمال عبد الواحد، نجم النادي الأهلي، أن مشاركته المنتظرة في كأس العالم للأندية تمثل محطة خاصة جدًا في مسيرته الكروية، مؤكدًا أن البطولة تمثل له "حلم العمر"، بعد أن غاب عن النسخ السابقة لأسباب خارجة عن إرادته.
وقال عمر خلال لقائه مع الإعلامي أحمد شوبير: "ما شاركتش في أي نسخة من كأس العالم قبل كده، كنت مرتبط مع فيوتشر، ولعبت آخر ست شهور في الدوري فقط. لعبت أربع ماتشات في إفريقيا، لكن كنت مستبعد بسبب القيد".
وأضاف: "كأس العالم للأندية دي قصة تانية خالص.. طول عمري بتفرج عليها في التليفزيون وبقول لبابا نفسي ألعب فيها، دي بالنسبالي زي كأس عالم حقيقي، زي أول مرة انضميت للمنتخب مع كيروش، كانت بطولة العرب ساعتها بس أنا حاسس إنها كانت كأس عالم".
وعن طموحه في البطولة، قال عمر: "النهائي طموحي الحقيقي.. بجد، أنا ما بحبش أخسر حتى في التمرين، لو فيه تقسيمة لازم أكسب، مش بحب الخسارة خالص".
وأكد نجم الأهلي أنه يشعر بمزيج من الحذر والتركيز، وليس الخوف، قائلاً: "في فرق بين إنك تبقى خايف وإنك تبقى حريص. أنا حريص، وعندي مسؤولية، ولازم أعمل حساب لكل فريق سواء صغير أو كبير. لأنك لو استهنت بأي فريق صغير، هتدفع التمن".