صرح خالد الغندور لاعب الزمالك السابق بأنه في الوقت الحالي لا يوجد انتماء من اللاعب للفريق الذي ينتمي له حتى لو كان ابن النادي.
وقال خالد الغندور في تصريحات :"مبقاش في انتماء ومبقاش في ولاء ومبقاش في غير مصالح وفلوس، النهاردة معلش ربيعة او اكرم توفيق الاتنين بيلعبوا في اقوي نادي في افريقيا واغني نادي في مصر لكن محققلهمش مطالبهم المادية".
وتابع: "الاتنين متربين في النادي الاهلي رامي ده ابن النادي الاهلي كابتن النادي الاهلي ورغم كل دهالنادي الاهلي ميكونش ليه ولاء للكابتن ويكون ليه ولاء لزيزو ، يدي زيزو عشر اضعاف رامي ربيعة وميديش الكابتن اللي هو عاوزه عشان دي كرة ومفيش عاطفة".
وأضاف: "رامي ربيعة اللي بيلام دلوقتي هيروح بيراميدز جايله بيراميدز، اشمعني زيزو مش زيزو ده عامل تاريخ في الاهلي مش كان لاعيب مش دولي على قده بياخد ضربات جزاء تمثيل لكن النهاردة الكل بيدافع عن زيزو لان اصبح المصلحة بتحكم بكده".
وأكمل: "بيدافعوا عنه عشان بقى لاعيب في الاهلي لما كان في الزمالك هنقطعه ونقلل منه وكل اهدافه ضربات جزاء واسيستات من الاوفر والكورنر نفس الكلام امام عاشور اذن احنا في عالم المصلحة"..