تحدث مشعل العلي المشرف علي الكرة بنادي الشمال القطري عن كواليس التعاقد مع لاعب النادي الأهلي أكرم توفيق وموعد إنضمامه.
وقال مشعل العلي عبر قناة الكأس القطرية:" الحرب خدعة وأكرم كان من ضمن إحتياجتنا من بداية الموسم واحنا بنسعي ودة الوقت المناسب لأن كل النظار علي بغداد فلما انت تروح تاخد لاعب ولاعب مهم زي أكرم دة الوقت المناسب".
وتابع:" خليت نائب رئيس الجهاز معايا وبغداد علي أساس أننا نروح نخلص موضوع بغداد بس اتفاجئوا بموضوع أكرم توفيق واحنا لما روحنا مصر كان في شبه جلسة مش إتفاق رسمي أو كدة وشرحنالهم الموضوع ومشروعنا كامل هو مدناش الرد بعدين وقال شوية وهرد عليكم".
وأضاف:" أكرم اقتنع بعد كدة بالكلام والمشروع بعد تاريخ 1 يناير ، احنا العرض المبدئي 3 سنين لكن أكرم لما يدخل ويحط رجله في قطر يقدر يستمر لمدة 10 سنين لحد ما يوصل عمره 35 ، يكون موجود في الدوحة وهو من ضمن خطتنا أنه يبقي موجود في الدوحة واحنا قعدنا معاه وعقليته إحترافيه ممكن يفيدنا في المجال الإداري والمجال الفني كمدرب هو من ضمن خطة كبيرة احنا حطينا من ضمنها بغداد وبلهندة واوميد".
وأكمل:" احنا بنشوف أقرب وقت عشان ميتعارضش مع الأهلي هو عقده مع نهاية اخر مباراة في الدوري المصري واحنا مش عاوزين ندخل إشكالية مع النادي الأهلي نادي بحجم الأهلي لازم يكون في تفاهم وتعاون وإن شاء الله نتمنالهم التوفيق في كأس العالم للاندية".
واستكمل:" اللاعب إذا مراحش كأس العالم أنا أفضل يكون عندي موجود وجاهز ، والمفترض أنه ينضم للفريق بداية من 1 يوليو يكون موجود معانا في فترة الإعداد".