تحدث لاعب فريق كرة القدم بالنادي الأهلي السابق صالح جمعة عبر بود كاست عن عدم إلتزامه داخل القلعة الحمراء، ومعاملة فايلر معه.
وقال صالح جمعة:" أنا معاك سلوكي مكنش أحسن حاجة بس لما تلعب تقسيمة متبعدنيش ومتتعاملش معايا هو كان راجل يعني الناس بتقابله في المطار يزعقلهم حد يمد ايده يسلم عليه ميردش عليهم وميسلمش الكلام دة قدام اللاعيبة".
وأضاف:" هو فايلر طبيعته كدة يروح يجيبه من المطار الناس عاوزه تصور معاه بيجلنا تاني ويتشكي انا ازاي اروح اجيب مراتي واحد يوقفني وعاوز يتصور معاه ، الليونة دي مش عنده، المشجع الأهلاوي واحد طيب غلبان مش مصدق انه شايفك بيبقي عاوز يتصور معاك ، لكن هو مفيش الليونة دي خالص".
وتابع:" أنا بعد موقف التقسيمة بالنسبالي مش عاوز ابقي موجود معاك فقعدت 6 شهور في الجيم ، كان عنصري جدًا ، يعني اية عنصري؟ في مدير فني ممكن يتخانق معاك انهاردة ويوقع عليك عقوبة ، وبعد كدة تاني يوم الصبح بيضحك معاك ويسلم عليك".
وأكمل:" انهاردة تخرج من الملعب في تغيير يحصل معاك تصرف غير مقبول بتتعاقد تاني يوم أنت في التمرين بعاملك زي امبارح ، لكن مش عنصري معاك اني احس انك مبتحبينيش انت اخدت معايا موقف معين فاعاملك بنفس المعاملة".