تحدث أحمد عبد المقصود المدير الفني للفريق الأول لكرة القدم بنادي الزمالك، عن أسباب الهزيمة الثقيلة التي تلقاها فريقه من البنك الأهلي في بطولة كأس الرابطة.

وحقق البنك الأهلي فوز عريض على الزمالك بثلاثية نظيفة، في المباراة التي جمعت بينهما مساء اليوم الأحد ضمن منافسات دور الـ 16 من بطولة كأس الرابطة، والتي أقيمت على ستاد المقاولون العرب بالجبل الأخضر.

وقال عبد المقصود في المؤتمر الصحفي بعد نهاية المباراة: "في 7 دقائق حصل انهيار كنا ماشيين كويس، قابلنا سوء توفيق اول هدف جت في رجل اللاعب بتاعنا".

وأضاف: "الشوط التاني كنا احسن منهم مراحوش للجول، لكن بعتذر لجمهور نادي الزمالك كان نفسنا نعمل حاجة لكن كان في سوء توفيق".

وواصل: "في 12 لاعب مش موجودين نادي الزمالك بيلعب بأي حد وده مش مبرر وكنا احسن شوية الشوط التاني، البنك الأهلي مضيعش اي فرصة الانهيار بسبب ان الجول التاني جه بعد الاول على طول الدكة كلها كانت ناشئين مكانش عندنا حلول".

وأتم عبد المقصود حديثه: "لازم نقف مع اللعيبة دي لنهاية الموسم اللعيبة مش سيئة بتحصل في الكورة ده الوقت اننا نقف جنب النادي وادارته ونساند مش هنرمي الفوطة ده نادي الزمالك هتقف تاني على رجلك وتحارب وتقاتل تاني مفيش مشكلة احنا او اللي جاي بعدنا".