بدأ النادي الأهلي إجراءاته القانونية ضد مدحت عبد الهادي المتجاوز في حق النادي الأهلي من خلال فيديو تم تداوله عبر وسائل التواصل الاجتماعي.
وتقدم الأهلي ببلاغ أمام النائب العام ضد لاعب الزمالك السابق بعد تجاوزه ضد الأهلي عقب لقاء الزماك وسموحة في بطولة الدوري.
ومن جانبه ظهر مدحت عبد الهادي المتجاوز في حق الأهلي بتوضيح غير مهم عبر حسابه على الفيسبوك أكد فيه:"
أنا طول عمري لا شتام ولا سباب، وعمري ما اتربيت إني أغلط في حد. أنا زملكاوي لحد النخاع وبشجع بيتي بكل حب".
وأضاف عبد الهادي: "الفيديو المتداول ده للأسف متاخد ومجتزأ من سياقه الحقيقي، والكلام كان أصلاً بيني وبين واحد من الجماهير اللي كان بيشتم، وكنت بقول له ماينفعش تقول كده، لكن اتقص جزء من الكلام واتنشر بشكل يوحي بمعنى تاني خالص علشان يعمل فتنة بين الجمهورين."
واختتم حديثه: "أنا مافيش عندي أي داعي أو سبب إني أسيء للأهلي أو لأي جمهور منافس بحترم الأهلي وجمهوره وإدارته وبحترم كل جماهير الأندية المنافسة.، لأن دي مش أخلاقنا ولا دي الطريقة اللي المفروض نشجع بيها. الكرة منافسة جوه الملعب بس، إنما بره الملعب الاحترام هو اللي لازم يجمعنا كلنا."