حرص عماد النحاس، القائم بأعمال المدير الفني للأهلي على تهنئة جماهير الأهلي بالفوز ببطولة الدوري للمرة الـ45 في تاريخ النادي، كما وجه أيضًا التهنئة لمجلس إدارة النادي والجهاز الفني والإداري والطبي واللاعبين.

وقال عماد النحاس في نصريحات: "قعدت مع علي معلول واتكلمت معاه، وقلت له إني عدّيت بنفس الظروف دي وأنا لاعب، ويمكن كانت أصعب شوية”.

وتابع: "أنا من نوعية المدربين اللي بيحبوا يثبتوا التشكيل، وقلت له: إنت لاعب كبير، وعملت اسم كبير، وحاول تعبير وشك يوصّللي إنك مبسوط.".

وأضاف: "كان باين عليه إنه مشدود لأنه كان عايز يشارك، ومن أول يوم كنت حابب أبدأ بيه، خصوصًا في ماتش بتروجت، وفي ماتش فاركو فعلاً شارك بدري كبديل."

وأكد: "فيه لاعيبة كتير كنت أتمنى تكون موجودة وتشارك، لكن ضغط المباريات وعددها ما كانش بيسمح بده، ووجه النحاس الشكر للكابتن محمود الخطيب رئيس النادي، على ثقته الغالية بتوليه قيادة الفريق.