تحدث إمام عاشور، لاعب وسط النادي الأهلي، عن تفاصيل الغرامة التي تم توقيعها عليه مؤخرًا، مؤكدًا أنه انفعل بعد إحدى المباريات الإفريقية التي لم يشارك فيها، وحدثت مشادّة لحظية مع قائد الفريق محمد الشناوي، إلا أن الأمر انتهى سريعًا داخل غرفة الملابس، موضحًا أنه اعتذر عن الواقعة أكثر من مرة.

وقال عاشور في تصريحاته لبرنامج "الكورة مع فائق":"حصل شد شوية بعد ماتش في إفريقيا، كنت خارج التشكيل وقتها، وكابتن كولر قالّي: (أنت معانا لكن مش هتلعب)، وبعد المباراة كنت منفعل، وشديت شوية وده كان تصرف مش في محله."

وتابع: "أنا زودتها شوية فعلاً، لكن الحمد لله إنها حصلت مع كابتن الشناوي، وأنا بطلب منه العفو تاني وتالت على الهوا. هو كابتن كبير وأنا باحترمه جدًا، ودايمًا في ضهرنا كلنا."

وشدد عاشور على أن الواقعة لم تؤثر على تركيزه مع الفريق، مضيفًا:"مفيش أي حاجة اسمها تعديل أو خلاف كبير، أنا مركز مع النادي جدًا، في تمريني وماتشاتي، ومليش علاقة بأي حاجة خارج ده."

واختتم حديثه قائلاً:"في الأهلي، الكل بيشتغل لهدف واحد، والخلافات بتحصل وتتحل جوه البيت. الأهلي فوق أي حاجة، وأنا تعلمت من الموقف ده كتير."