تحدث أحمد عبد القادر لاعب نادي سموحة المعار إليه من صفوف النادي الأهلي عن قميص القلعة الحمراء والبنيان الجسدي الخاص به.

وقال عبد القادر في تصريحات تلفزيونية أمس الجمعة عبر أون تايم سبورت "اللعب في الأهلي مختلف، الجمهور دايما عاوز مكسب، سموحة فريق كويس ومستقر لكن في الأهلي الموضوع غير كدة تمامًا".

وتابع "في الأهلي انت مطالب بكل بطولة بتشارك فيها، لكن في سموحة مثلًا بيكون هدفك وطموحك انك تبقى في المربع الذهبي".

وواصل عبد القادر "انا متعود على ضغوط النادي الأهلي، انا واحد من أبناء النادي، عكس لو انضم لاعب من نادي تاني بيستغرق وقت حتى ينسجم".

وأضاف عبد القادر "صعب ارجع للأهلي من الإعارة وملعبش، اكيد لو هرجع من الإعارة يبقى انا جاي علشان اشارك، انا خرجت اعارة علشان خاطر اخد فرصة، انا مش بلعب في مركز واحد انا بلعب في 3 مراكز".

وأردف " الكورة سرعة وقوة مهما كنت حريف، الناس بتتكلم اني بدني قليل، انا طبيعة جسمي كدة ووزني مثالي بالنسبة لطولي، 179 ووزني 74، مش محتاج ازيد او اقل".

وأختتم عبد القادر تصريحاته "مثلي الأعلى محليًا محمد أبو تريكة ومحمود الخطيب وعالميًا هازارد وهو في تشيلسي".