أكد محمود عبد المنعم كهربا، لاعب الفريق الأول بالنادي الأهلي أن أحمد حسام ميدو، مدرب ولاعب الزمالك الأسبق يريد الانتقام منه بسبب "قصة قديمة" حدثت بينهما.

وقال كهربا في تصريحات عبر برنامج العرافة على شاشة قناة المحور :" (ميدو؟ لو قابلته في مكان مش هسلم عليه، اتكلم عليا كتير أوي.. مش من حقه كل يوم يقعد يسخن عليا الناس، بمناسبة ايه أصلًا يسخن عليا الناس ؟)".

وأضاف :" (مكانش يعرف يهاجمني وانا في الزمالك، كان بيخاف طبعا، هو على طول بيقعد يتكلم عليا، انا مش صاحب لقطة، وانا مش محتاج اخد لقطة، اسم محمود كهربا مش اي حد وخلاص، انا لسه 27 سنة ولسه هعمل حاجات كتير)".

وتابع :" (بينتقم مني عشان سيبت الزمالك ؟ لأ، بينتقم مني عشان حاجات تانية، قصة قديمة كده.. مش عاوز اتكلم عليه، انا مش شايفه)".

وأتم :" (لو مكنتش لابس تيشرت الاهلي كنت رديت عليهم واحد واحد –المنتقدين- وحاجات صعبة جدا، وكنت هعرف اخد حقي مهما كان مين.. أي حد اتكلم عليا وغِلط فيا كنت ممكن ارد عليه بس أنا لابس تيشرت الاهلي فيمنفعش.. فهرد عليهم في الملعب)".