تحدث حمزة عبد الكريم، لاعب برشلونة، عن تجربته الجديدة مع الفريق الكتالوني، عقب مواجهة الأهلي الودية، مؤكدًا أن انتقاله إلى النادي الإسباني كان بمثابة حلم تحقق.

وقال حمزة عبد الكريم، خلال تصريحات عبر قناة أون سبورت: «أكيد حلم، بس هو أكيد برضه مصدق فيه، يعني الاتنين».

وتطرق لاعب برشلونة للحديث عن دعم الجهاز الفني له، قائلًا: «المدرب بيتكلم معايا وبيساعدني، والواحد بيحس إنه جوه الفرقة، والنادي كله كده، وكل اللي بيطلعوا من الناشئين وحتى الجمهور بيحبوه، فبتخش الفريق الأول مبيبقاش فيه تغيير قوي».

وعن علاقته بزملائه، أوضح: «في كتير، يعني اللعيبة كلها بصراحة كويسة معايا، كلهم قريبين مني».

وكشف حمزة عن نصائح محمد صلاح له خلال وجودهما معًا في معسكر منتخب مصر، قائلًا: «هو بيتكلم معايا على طول في المعسكر، وبصراحة كلامه كله معايا كلام لازم أنا أستفاد منه، عشان كلنا عارفين إن صلاح وصل للحتة دي مش بالصدفة، ودي حاجة تتعلم منها».

ووجه حمزة عبد الكريم رسالة إلى جماهير الأهلي والجماهير المصرية، قائلًا: «بشكر جماهير الأهلي طبعًا اللي جات، والجماهير المصرية كلها، وبحبهم برضه».

واختتم رسالته إلى لاعبي الناشئين المصريين قائلًا: «صدق حلمك، بس صدق حلمك».