تحدث لاعب النادي الأهلي السابق جيرالدو عبر قناة أون سبورت عن مسيرته مع القلعة الحمراء ووقت رحيله.وقال جيرالدو:" الأهلي كان بيتي الثاني وليس مجرد نادي وفخور بالنادي واكتر لحظة محفورة احساس الفوز والبطولات الكبيرة والمجهود وتعب الموسم بيتحول لفرحة مع الجماهير".وتابع :" ذكريات كتير بتخليها وأنا بتكلم من أول مكتت قاعد في النادي وقت الغدا وأنا حاليا في تركيا وكان فيه مقابلة مع تريزيجيه وكان بيفكرني بالذكريات واسم الأهلي بيفرحني".وأضاف :" أي لاعب كرة قدم بيبقى عنده حظ سيء بعض الأوقات والكورة اكتر من اللعب حظوظ ولما اخدت على النادي والجو المصري المختلف وسط الجماهير ولعبت في البرازيل وكان نفس الجمهور قوي وليه رهبة خصوصًا جمهور الأهلي ، جمهور الأهلي ليه رهبة كبيرة أكتر من رهبة الخصم ومبسوط بكل الي وصلناله واني كنت من ضمن الفريق".وأكمل :" أي لاعب في الأهلي بيتمنى يكمل مسيرته جوة النادي ومع البطولات والأجواء كل حاجة بتمر بسرعة حتى لو لاعب قعد ١٠ سنين واحترمت رغبة النادي في رحيلي ولكن بعد الرحيل مازلت اتابعهم ولعبي في الاهلي كان أكبر حاجة في مسيرتي".