تحدث الإعلامي خالد الغندور عن المدير الفني للفريق الأول لكرة القدم بالنادي الأهلي خوسيه ريبيرو ومشاركة زيزو بعد وصوله بشكل مباشر.وقال خالد الغندور:" زيزو وصل الإمارات ركب من هناك قعد 11 ساعة استقبلوه في أمريكا و سلم على اللعيبة وبعدين اتصور وتاني يوم في ماتش متمرنش مع الفريق ، فدة يوريك شخصية المدرب الإسباني.وتابع:" مفيش مدرب في العالم كبير وعنده شخصية قوية وبيفهم يعني اية كورة يجيب لاعب بقاله 3 شهور مبيدربش مع نادي وبيتمرن في الجيم أو في الجبل بأحمال الله اعلم مين حطهاله ويجي يسافر لمدة اكتر من 24 ساعة سفر ولا يتدرب مع الفريق وينزله الشوط الثاني لامؤخذة دة مدرب واخد اوردر من مجلس إدارة او أوردر من حد لاعب زيزو دة مدرب علي الله حكايته لأن مفيش مدرب في الدنيا بيعمل كدة".وأكمل:" دة لو في لاعب جالك ومتمرنش معاك ولا تمرينة وبقاله 3 شهور مبيتمرنش وتيجي تلاعبه في مباراة استعدادية لكاس العالم وانت عندك 30 لاعب ولاعيبة جديدة لسة جايبها وتلاعبه كدة أنت واخد اوردر تلاعبه اللي هو دي صفقة جامدة صفقة مكايدة يالا نلاعبه بقي تلاعبه ازاي لا منطق ولا عقل ولا كرة ولا تدريب ولا إستعداد ولا تجانس ولا تعب سفر وإرهاق وتعرضه للإصابة ولا أي حاجة تخلي زيزو يلعب فزيزو يلعب".