أكد أحمد سيد "زيزو"، لاعب الأهلي الحالي ونجم الزمالك السابق، أن انتقاله من القلعة البيضاء إلى القلعة الحمراء لم يكن قرارًا سهلاً، خاصة بعد 6 سنوات قضاها في صفوف الزمالك، لكنه شعر في النهاية بأن الأمور داخل النادي لم تعد كما كانت.

وفي تصريحات عبر قناة "MBCمصر"، قال زيزو:"اللحظة اللي تلبس فيها تيشيرت غير تيشيرت الزمالك مش سهلة. قضيت ست سنين في النادي، وكنت مش مجرد لاعب، كنت بتحمّل مسئولية. لكن للأسف، سنة كاملة اتعرضت فيها للإهانة، وكل حاجة حلوة بنيتها خلال خمس سنين راحت."

وأضاف: "طوال سنة كاملة، تعرضت للتسريب، والشتائم، وحملات من السوشيال ميديا، وكلها معلومات كاذبة. أنا عارف إن جمهور الزمالك بيحبني، لكن لما تبقى كل يوم في كلام بيتقال عليك بدون دليل، بتحس إن مفيش حاجة باقية."

وتابع زيزو: "الناس اللي بتقول حاجات عني على السوشيال ميديا مش عارفة الحقيقة، وأنا أقسم بالله إن كل كلمة قلتها هي اللي حصلت فعلاً، والباقي كله كذب وتشويه."

وعن انتقاله إلى الأهلي، قال: "أنا قلت قبل كده إني بحترم جمهور الأهلي، وفي ناس من عيلتي وأصدقائي القريبين أهلاوية. ده كان سبب مهم خلاني أفكر في الخطوة دي."

واختتم تصريحاته قائلاً:"الأهلي نادي كبير، بيلعب على كل البطولات، وعندي شغف أبدأ حلم جديد وأبني تاريخ مختلف. الأهلي هو النادي الأنسب للمرحلة اللي جاية، وأنا جاهز أدي كل حاجة."