كشف الإعلامي احمد شوبير حارس الأهلي ومنتخب مصر الأسبق عن موعد الإعلان عن المدرب الجديد للأهلي ريفيرو وعن جهازه الفني بالكامل وموعد قيادته للفريق.وقال شوبير عبر اون سبورت اف ام:"ماذا يحدث داخل النادي الاهلي ، المدرب سيقود المران ، ريفيرو سيقود مران الاهلي بدءا من السبت المقبل ، الراجل اختار جهازه وجيه جهاز بالكامل".وتابع: "هيكمل معاهم محمد شوقي ومحمد يوسف مدير رياضي ، هو جايب مدرب حراس مرمي اجنبي مش جنوب افريقي لانه لما اشتغل في اورلاندو مكنش معاه جهاز كامل ودة اللي رفع سعره شوية لانه جاب كل المساعدين اجانب".وأضاف: "اقولك خبر مهم الراجل عاوز ستة وعشرين لاعب فقط في كأس العالم قايمة الماتش 11 و 16 علي دكة البدلاء والراجل من حقه ياخد لحد 36 لاعب لمزيد من التركيز في الملعب والمباراة".وأكمل: "ده اللي الراجل عاوزه اية اللي هيحصل بقي معرفش هل النادي هيوافق علي كده ولا لا خلي بالك كل ما يجي مدرب جديد طلباته بتبقي شبه مجابة بس طبعا انت لسه بتجيب لاعيبة تانيين والاعارات اللي راجعه فنتمني انه دة كاس عالم ان الاهلي يبقي في افضل حالة".وكان فاز المارد بالدوري أمس بعدما اكتسح الفريق الأول لكرة القدم بالنادي الأهلي فاركو بـ 5 أهداف مقابل لا شيء في أمس الأربعاء، على استاد القاهرة، لحساب منافسات الجولة الختامية لمرحلة التتويج بالدوري الممتاز هذا الموسم.