أعرب نجم الأهلي السابق محمود عبد المنعم كهربا عن سعادته الكبيرة بفوز الأهلي بالدوري وحصول إمام على لقب هداف الدوري، مؤكدًا أن العلاقة بينهما تتجاوز حدود المستطيل الأخضر.

وقال كهربا خلال تصريحات مع إبراهيم فايق:"بصراحة أنا افتقدت إمام كتير، سواء جوه أو برا الملعب، هو بالنسبالي مش محتاج كلام.. كسر الدنيا بأدائه وروحه".

وتابع:"أنا كنت على أعصابي طول الـ90 دقيقة، كنت بتمنى إمام يجيب جون، وفعلاً ربنا كرمه، وحسين عمل حركة عالمية لما احتفل بيه بالشكل ده".

وأضاف:"بعد الماتش كلمت حسين وقلت له: أحسن حاجة عملتها في حياتك! لأن الاحتفال ده كان دعم كبير لإمام، وكان نفسي أكون موجود معاه في اللحظة دي".

وأكمل كهربا:"إمام هداف الدوري، وهدفه الأخير كان هدف فيه من روح النادي الأهلي وسلكانه.. وده أكبر دليل على حب اللاعبين لبعضهم ودعمهم لبعض جوه الفريق".

واختتم حديثه قائلًا:"كل لاعبي الأهلي إخواتي، بيكلموني دايمًا وواقفيني جنبي، وده اللي بيخليني فخور إني أنتمي للكيان ده".