كشف حازم إمام عضو لجنة التخطيط بنادي الزمالك، عن دور اللجنة مع الأبيض وعن احترام ميدو لمجلس الإدارة وخاصة بعد التصريحات التي أدلى بها أمس.
وقال حازم إمام في تصريحات لـ أون تايم سبورت اف ام: "ميدو طلع اتكلم امبارح وقال ان فيه حد مش بيساعد وتصريحاته اتفهمت بشكل غلط، بس ميدو بيكن كل الاحترام لنادي الزمالك واللجنة جاية تساعد".
وتابع:"انتوا عارفين أي هزيمة بيبقي فيه خلافات واختلافات وعاوز اقول حاجة عن لجنة التخطيط وده قولته لحسين لبيب إن لازم يكون فيه شكل هيكلي لازم تجيب مدير رياضي ومدير تعاقادات وقطاع للإحصاءايات والتحليل" .
وأضاف: "من مهام المدير الرياضي يكون مسؤول عن الفريق الأول ومين نبيع ومين نشتري ومين نطلعه من الناشئين وساعتها مش هيبقي لينا دور احنا جينا نحل أزمة".
وأكمل: "ده الهدف الاساسي للجنة التخطيط بس فكرة دايما انك تعتمد ع اشخاص ده تمام بس لما يبقي فيه سيستم مش مطالب انك تبقى موجود في وجود سيستم"
وزاد: "لازم نهتم ويكون في دماغنا قطاع ناشئين انتوا شايفين برشلونة 90% منهم قطاع ناشئين، وده حاجة خاصة ببرشلونة، احنا مش جايين نزاحم الناس أو نخود اللقطة ، هو السيستم لما يتحط احنا أوت أنا وميدو وده الهدف اصلا.
واختتم: :احنا جايين نساند ونساعد مع ناس محترمة في المجلس للي جاي واحنا عاوزين سيستم يمشي على الناس كلها من غير ميدو او حازم أو اي اسم".