رفض سيد عبد الحفيظ، مدير الكرة بالنادي الأهلي محاولات البعض تبرير الفشل في الموسم المقبل عن طريق المؤامرات وإدعاء المجاملات.
وقال عبد الحفيظ عبر تصريحاته في قناة صدى البلد :" (اللي مش هتقدر تعمله تشكك فيه، لو مفهومك في الحياة كئيب وتراجيدي ومؤامرات ومجاملات وناس بتتآمر عليا، انت بتحاول تدي مبررات للي جاي) ".
وأضاف :" (لو خسرت تقول أنا مش قولتلكم، طب ما تقول التانيين اجتهدوا وتعبوا واشتروا لاعيبة وعملوا معسكرات. بتسبق للي هيحصل ! بيقول هيتداس عليا من كل الناس. طب إفريقيًا مين كان دايس عليك ؟) ".
وتابع عبد الحفيظ :" (إسأل أي حد في مصر مين أحسن فرقة في مصر، هنختلف. لكن أي جمهور مش مصري مين أحسن فرقة في إفريقيا، مش ممكن نختلف) ".
وأكمل :"الأهلي بطل دوري أبطال إفريقيا سنوات 2005 و2006 و2008 و2012 و2013 و2020 و2021، بس برضو هتلاقي ناس بتجادل) ".
وأردف :" (حب فرقتك زي ما انت عايز، بس متشككش في الآخر، ميبقاش الحياة كلها أنا مظلوم وهيتداس عليا، هيتداس عليك من مين ؟ طيب انا هنا باخد حقي تالت ومتلت باللوائح والقانون والنظام، طب بره بدوس عليك ليه وإزاي ؟) ".
وأتم سيد عبد الحفيظ تصريحاته مُفندًا تفوق الأهلي إفريقيًا على الزمالك، قبل أن يتم :" (عمرنا ما كنا مع الزمالك في مجموعة واحدة في إفريقيا وصعدوا) ".