تحدث محمود الخطيب رئيس مجلس إدارة النادي الأهلي، عن الأزمة الحالية التي يمر بها أهالينا في غزة وفلسطين.وقال الخطيب خلال حديثه أثناء الجمعية العمومية للنادي الأهلي، التي أقيمت مساء أمس السبت: "في ظروف قاسية جدا علينا كلنا كعرب جميعا لأخواتنا وأهالينا وولادنا في غزة".وأضاف: "الأمر اللي بيحدث العالم كله بيتفرج عليه ده أمر عجيب الناس اللي في العالم الأوروبي اللي بيتكلموا عن حقوق الإنسان أين حقوق الإنسان مع أهالينا وأولادنا في غزة أنا مش سامع حس حد فيهم".وأكمل: "بإذن الله النصر قريب لأهالينا.. النادي الأهلي الطبيعي وده دوره الوطني ودوره مع كل أهالينا في العرب الأهلي خصص إيراد مباراة الأهلي وسيمبا التنزاني لصالح أهالينا في غزة وطلعت أول قافلة من خلال النادي الأهلي".واختتم الخطيب حديثه: "وكمان مؤسسة الأهلي المجتمعية بتحضر قافلة تانية ان شاء الله تخرج في خلال أسبوع أو عشر أيام ده أمر من حق كل إنسان عربي على النادي الأهلي واحنا شايفين دي حاجة بسيطة وقليلة لكن لازم هنساعد ونقف ولو نقدر نعمل حاجة تانية مش هنتأخر".