علق سيد عبد الحفيظ مدير الكرة بالفريق الأول لكرة القدم بالنادي الأهلي على خسارة الفريق لبطولة كأس مصر في نسختها القديمة بعد الهزيمة أمام الزمالك.وقال سيد عبد الحفيظ خلال حديثه عبر قناة الأهلي: "البطولة بتيجي وتروح انهاردة خسرت كاس ممكن بكرة تكسب دوري وبعد بكرة تكسب أفريقيا، رصيدك عند الناس كويس وكل حاجة بثقافتك وأهمية شخصيتك".وأضاف: "لكن العزة هتجيبها ازاي؟ عزة النادي الأهلي مش في انتصاراته بس، وإلا في 85 مكناش لعبنا قدام الزمالك بفرقة 20 سنة لو احنا باصيين بس للانتصارات، هي دي العزة وربنا يوفق لكن لو موفقش تبقى قدام مرايتك راجل محترم، هيجي يوم وهتمشي لكن اللي هيخلد في ذهنك وتديه رسالة لابنك الموقف ده، هيجي يوم من الأيام ابني هيحافظ على كرامتي زي ما أنا حافظت على كرامة أهلي".وأكمل: "فيما يخص البطولة لازم تعافر، زعل الناس مش انك تخسر زعلهم في ادائك أو عدم تعبك وجهدك لكن ممكن تعمل كل اللي تقدر عليه وربنا ميوفقش دي قصة تانية،وأردف: "احنا في فترة صعبة جدا جدا كل واحد عارف صعوبتها وأهميتها كل واحد لازم يكون على سكة واحدة وطريق واحد، اكتر حاجة بتميزنا أن الأهلي عقلية واحدة الصغيرين بالشباب والفريق الأول والادارة والجمهور كله عقلية واحدة".وأتم سيد عبد الحفيظ حديثه: "أنا مش بتكلم على الفوز بس أنا بتكلم على الاعتزاز بشخصيته واصله لا هسمحلك تشكك في بطولاتي وانجازاتي ورصيدي هتيجي عند اصولنا وتاريخنا وثوابتنا هيبقى الوضع صعب".طالع أيضًا:أول رد من سيد عبد الحفيظ على عدم التواجد في الممر الشرفي بعد مباراة الزمالكسيد عبد الحفيظ: لو آخر يوم في عمري مش هسلم عليه.. مش هيجيلي فرصة تانية أرفع راسيفي رسالة خاصة لهذا الإعلامي.. عبد الحفيظ: ليه مطلعتش اتكلمت لما قال عليا متربي مع الحمير؟عبد الحفيظ لخالد الغندور: مش أنا اللي اتهان وأطلع أقول آسف يا سيادة المستشار.. الأصل محدش بيشتريه