وجه سيد عبد الحفيظ مدير الكرة بالفريق الأول لكرة القدم بالنادي الأهلي رسالة خاصة لأحد الإعلاميين بعد الأحداث الأخيرة التي شهدتها الساحة الرياضية في مصر.

وقال سيد عبد الحفيظ خلال حديثه عبر قناة الأهلي: "في إعلاميين كتير مش هقول بعتب عليهم ولا حاجة في ناس ممكن ميبقاش عندها خلفية الأحداث بعذرهم، مع أني أعتقد أننا عايشين في مجتمع صغير وكل حاجة بتنتشر فعارفينه، ممكن ناس تلوم عليك وناس لا".

وأضاف: "هختص اتنين بالكلام، هختص واحد زي إبراهيم عبد الجواد، على مدار 3 4 سنين مفيش حاجة ليا مش بيعاتبني فيها، انا اشتغلت معاك، ايه اللي شوفته مني يخليك تقول حاجة ممكن تبقى بعيد عن الاخلاق".

وتابع: "العتاب ده لسيد بس؟.. طب انا هعاتبك الراجل ده قبل مباراة الكأس بيومين اتنين طلع في التلفزيون للأسف مع واحد أهلاوي، بيقول ان ده واحد متربي مع الحمير هو قال كدة، اقسم بالله عمري ما شوفتك وانا صغير ولا دخلت بيتك، هتربى مع الحمير ازاي وأنا عمري ما شوفتك وأنا صغير؟".

وأتم سيد عبد الحفيظ حديثه: "واحد عمال يهز دماغه ويهز راسه ليه مطلعتش يا إبراهيم قولت بعتب بعتب على الاستاذ فلان الفلاني أنه يقول كدة وإن دي مش رياضة، هو العتاب عليا بس؟".

طالع أيضًا:

أول رد من سيد عبد الحفيظ على عدم التواجد في الممر الشرفي بعد مباراة الزمالك

سيد عبد الحفيظ: لو آخر يوم في عمري مش هسلم عليه.. مش هيجيلي فرصة تانية أرفع راسي