أبرز محمد الدماطي عضو مجلس إدارة النادي الأهلي، عدد من النقاط بخصوص حال الرياضة المصرية في الوقت الراهن.
وكتب الدماطي عبر حسابه الشخصي على موقع التواصل الاجتماعي "فيسبوك": " مشكلتنا في الكورة هي نفس مشكلتنا في الاقتصاد وهي اننا عايزين نخلق نموذج مش موجود في حتة في العالم".
وتابع: "عايزين ننقي الجمهور اللي بيدخل، عايزين دوري ٨٠٪ منة اندية هيئات وشركات، عايزين الدوري ١٨ نادي عشان محدش يزعل".
وواصل: " عايزين نراضي نادي علي حساب نادي عشان كله يبقي مبسوط ومحدش يكسب لوحدة، عايزين فلوس تدخل اندية من غير رقابة كروية عشان نسميه استثمار، عايزين الخناقة تبقي في المدرج الاعتباري اللي اسمه السوشال ميديا عشان نريح دماغنا".
وأضاف: "الكورة هي الكورة في كل حتة في العالم بتتقدم للناس بصورتها اللي اتعودو عليها عشان دي الحاجة اللي بتسعدهم من غير تكلفة والناس نفسها تبقي سعيد".
واختتم: "خلينا نرجع ١٥ سنة لورا ونقدم للناس الكورة اللي اتعودو عليها وكل حاجة بعدها هتتصلح لوحدها".
وخسر المنتخب المصري أمام نظيره كوريا الجنوبية بأربعة أهداف مقابل هدف في المباراة التي أقيمت ظهر اليوم، على ملعب سيول.