تحدث سيد عبد الحفيظ مدير الكرة بالنادي الأهلي عن مهاجم الفريق حسام حسن واشراكه في الدقائق الأخيرة من مباراتي فاركو والمريخ السوداني.
وقال عبد الحفيظ في تصريحات إذاعية صباح اليوم الأحد "بخصوص حسام حسن، لازم نفصل بين حاجتين، نظام الفريق وحسابات شخصية ان ليك رصيد وانا ليا رصيد ممكن نستحمل بعض، ولما اكون عارف ان سلوكك كويس".
وتابع "نظام الفريق محدش ينفع يخرج عنه والمباديء الأولية والنهائية ان المدير الفني له الحق بالكامل في اشراك اللاعبين او غيره، طبيعي اكون حاسس بشعور حسام حسن".
وأضاف "انا مكنتش موجود في مباراة فاركو، قعدت انا وموسيماني مع حسام حسن بعد المباراة، وحسام حسن قاله انا لا يمكن اخرج عن النظام الموجود، لكن ده احساس طبيعي للاعب كورة".
وواصل مدير الكرة بالأهلي "خلال جلستي مع حسام حسن قلتله احنا واثقين فيك وتعاقدنا معاك علشان واثقين فيك".
وأردف "محمد شريف المهاجم رقم 1 في مصر، لما لاعبنا اياكس ومكنش بيشارك اساسي ورسمي مع الفريق، لعب في الدقيقة 88ونص، وكان متأثر جدًا لكن هو دلوقتي رقم 1 وقولتله وقتها نفس كلامي لحسام حسن اننا واثقين فيه".