أكد سيد عبد الحفيظ، مدير الكرة بالنادي الأهلي أنه في حالة تصدر المارد الأحمر لمجموعته في النسخة الأخيرة من دوري أبطال إفريقيا لما كان حصل على اللقب العاشر كما حدث.

وقال عبد الحفيظ في تصريحات عبر قناة الأهلي :" (والله العظيم تلاتة لو كنا خدنا أول مجموعة مكناش هناخد بطولة إفريقيا".

وأضاف :"لقد لعبنا يوم 14 إبريل مع النصر، ثم 18 مع الزمالك، ثم 21 مع سموحة، ثم 24 مع إنبي، ثم 27 مع المصري في الإسكندرية، ثم 30 مع الجونة في القاهرة، ثم 3 مايو مع غزل المحلة في المحلة، ثم 6 مايو مع الاتحاد في الاسكندرية، ثم 10 مايو مع الزمالك".

وتابع :"لو تصدرنا مجموعتنا كنا سنلعب مباراة الذهاب يوم 14 مايو، (لكن ربنا خلانا تاني عشان يخلي القرار قرارنا ونخلي ماتشنا يوم 15 ونبقى خدنا يوم زيادة) ".

وواصل خلال انتقاده لضغط مباريات الأهلي المحلية هذا الموسم :" (لو طلعنا أول كان هيبقى أول ماتش بره، وهيتلعب يوم 14، والله ما كنا هناخد افريقيا.. الله اعلم) ".

وأتم :" (أتمنى الناس تفكر، مش ربنا مديك سلطة تاخد قرار على جثثنا، واحنا لازم نعرف اننا لم بنلعب في افريقيا مفيش حد هيساعدك، انت اللي هتساعد نفسك بقراراتك وباستعداداتك وبشخصيتك وبتركيزك، واحنا اهتمينا أوي بافريقيا، كنا عاوزين ناخدها مرة تانية) ".