تحدث سيد عبد الحفيظ مدير الكرة بالنادي الأهلي عن مروان محسن مهاجم الفريق بعد غيابه عن التسجيل والمشاركة خلال الفترة الماضية.
وقال عبد الحفيظ في تصريحات عبر قناة إم بي سي مصر أمس الثلاثاء "عندي حاجات في دماغي بتكون من قناعاتي الي مش بغيرها، ان احنا محتاجين كل الناس".
وتابع "مادام دخلت الموسم والمشاركات وبقيت في المراحل المختلفة والأخيرة، انت بتحتاج كل الناس، كله هيبقى له دور".
وأضاف عبد الحفيظ "النهاردة مفيش توفيق بكرة هتكسب الفريق، دوري كإداري أو كمدير كرة في الفرقة إني أقوم بتهيئة الأجواء السليمة لكل العناصر الموجودة في منظومة الكرة بالنادي".
وواصل مدير الكرة "مفيش مشكلة إنك النهاردة مش موفق، احنا عندنا قناعة بيك، محدش عارف البطولة ممكن تيجي على رجلين مين".
وأختتم سيد عبد الحفيظ مدير الكرة تصريحاته "لو لاعب بيكسبني معاملتي له مش هتختلف برضه، احنا في النص التاني من الموسم ومفيش انتقالات، دول الي هيكملوا معاك للآخر وهم الي هنكمل بيهم للآخر".