شن احمد حسام ميدو المدير الفني السابق لنادي الزمالك هجومًا ناريًا على أمير مرتضى منصور ووالده مرتضى منصور في تصريحات إذاعية ادلى بها اليوم السبت.

وأثارت صورة نشرها ميدو له مع محمود الخطيب اسطورة الكرة المصرية والافريقية ورئيس النادي الأهلي جدلًا كبيرًا تسبب في سيل من السباب ضده حتى أن أمير مرتضى منصور كتب في تغريدة "إلى مزبلة التاريخ".

وقال ميدو في تصريحات إذاعية عبر اثير الشباب والرياضة "انا كل ما هشوف الخطيب هتصور معاه لانه اسطورة والناس الكبيرة دي ليها احترامها، زي ما هعمل مع حسن شحاتة لما اشوفه كل مرة هتصور معاه".

وأضاف "امير مرتضى مجند لجان اليكترونية للهجوم عليا وبيدفعلهم، انت مين يلا انت، انت ولا حاجة، انت الي رباك عربجي، لازم مرتضى وعياله يختفوا من الساحة الرياضية".

وتابع "مرتضى وعياله مفهمين الناس ان الزمالك هيقع برحيلهم، لا الزمالك مش هيقع، في 2005 مرتضى عمل كل حاجة علشان يوقع الزمالك ومنجحش، مش هيقدروا يعملوا ده دلوقتي، هم بيحاولوا يفشلوا الناس الي موجودة حاليًا".

وأستكمل ميدو "احنا اتربينا على الأصول والاحترام ومفيش حاجة بين الناديين، لكن مرتضى وولاده مفهمين الناس عكس كدة، وامير طالع يقولي إلى مزبلة التاريخ، يلا انت ولا حاجة، محدش يعرفك من غير مرتضى أبوك انت مين".

وأختتم تصريحاته قائلًا "انا هاجمت مرتضى في عزه وبعتله بلطجية وهو بعتلي، وكان في بينا قضايا، مكنتش عاوز اهاجمه وهو واقع وضعيف لكن الي بيحصل ده عيب".