أكد فوزي العريان المستشار القانوني بنادي الزمالك أنه تم إبلاغه من هشام ابراهيم نائب رئيس اللجنة المكلفة بإدارة النادي بإيقاف طارق يحيى المشرف العام على قطاع الناشئين.
وحسب الموقع الرسمي لنادي الزمالك فقد تم إحالة طارق يحيى للتحقيق لما بدر منه تجاه اللجنة في برنامج "زمالكاوي" المذاع على قناة نادي الزمالك.
وفاجأ طارق يحيى مشاهدي قناة الزمالك بالهجوم على اللجنة المؤقتة التي تدير النادي بعد قرار إيقاف واستبعاد مجلس مرتضى منصور.
وقال طارق يحيى في مقدمة برنامجه عبر قناة الزمالك: "أنا مش فاهم حاجة، هو ايه اللي بيحصل؟، صفقات بنتراجع عنها، فلان يتخانق مع فلان، أجيب فلان أمضيه عقود واتراجع تاني، واحط أسماء في لجنة الكرة وارجع أشيلها، تصريحات غريبة، استقالة عضو من اللجنة بسبب الخلافات".
وأوضح يحيى: "اللي بيحصل في الزمالك مينفعناش، الزمالك أكبر من أي حد، بنتكلم من منطلق حرصنا على مصلحة الزمالك، كل الناس ليها كل التقدير، اديني شغل، اديني حاجة في ايدي أمسكها".
وواصل يحيى تصريحاته: " عملنا صفقتين من خلال الإخوة في اللجنة المؤقتة وفشلوا، كانوا معمولين أساسا وكانت متقشرة مكنتش محتاجة نفتي ونعمل، الجون فاضين جايلك لعيب فري لكن كده ما ينفعش لازم نكون صرحاء مع جمهور الزمالك".