قال وليد صلاح الدين، مدير الكرة بالنادي الأهلي، إن ما يُثار في بعض القنوات الفضائية بشأن أزمة إمام عاشور غير صحيح، مؤكدًا أن الأمر بسيط ولا يستحق المبالغات الإعلامية، مضيفًا:"ده الموضوع بسيط ونسيب الناس في القنوات تعيش حياتها وفيه ناس ترقص على الهوا وده لا يليق بقناة كبيرة ومحترمة إن فيه حد يرقص ويقولك ولا فيه تحقيق مع الدكتور ولا فيه تحقيق مع مدير الكرة وكله كدب".

وانتقد مدير الكرة بالأهلي ما وصفه بضعف المهنية في بعض الوسائل الإعلامية، قائلًا:"وعيب على قناة كبيرة وشاشة عظيمة إن هي يبقى عندها الضعف ده ضعف شديد جدًا، ده شأن داخلي بيهم".

وأكد وليد صلاح الدين لجماهير الأهلي أن المصدر الوحيد الموثوق للمعلومات هو التصريحات الرسمية من داخل النادي، موضحًا:"أنا بأكد لجماهير الأهلي كل الكلام اللي بتسمعوه اسمعوه مني، القرار طلع على طول واتصلت بالكابتن الخطيب وكابتن سيد وساندوني ودعموني".

وأشاد بردود فعل جماهير الأهلي تجاه الأزمة، مشيرًا إلى دعم الأغلبية لقرار النادي، وقال:"وباشكر جماهير الأهلي وباشكر للأمانة عن 90% من ردود الأفعال كلها واضحة حتى ظهرت أوي مع اعتذار إمام وبإقراره بالغلط".

واختتم تصريحاته بالتأكيد على وجود بروتوكول وقواعد صارمة داخل الأهلي، موضحًا:"عندنا قواعد معينة لأي حاجة مينفعش حد يبعتلي أنا كمدير كرة أنا تعبان مش جاي بكره المران لو هي مسموح بيها في أندية تانية مالناس دعوة الأهلي له بروتوكول معين والدكتور يأكد إن كلامك صح ويعمل تحاليل وعلى هذا الأساس يبلغني وأنا أبلغ المدير الفني".