حرص لاعب فريق كرة القدم بنادي بتروجيت هادي رياض على توديع ناديه استعدادًا للإنتقال إلى النادي الأهلي وفقًا للعديد من التقارير.
وقال هادي رياض عبر إنستجرام:" عايز أتوجه بالشكر لجميع العاملين في نادي و شركة بتروجيت بداية من رئيس الشركة و رئيس النادي و الجهاز الإداري و المشرف العام علي الكرة على مساعدتهم طوال السنين الأخيرة في مساعدتي كلاعب ضمن الفريق وأحد كباتن الفريق".
وأضاف :" عايز كمان أشكر الجهاز الفني بقيادة الكابتن والأب/ سيد عيد، على مساعدته المستمرة ليا و لباقي لاعبي الفريق منذ تولي مهمة الفريق و الصعود للدوري الممتاز بمنتهي الإخلاص و التفاني فالعمل و جميع افراد الجهاز، عايز كمان اشكر الجهاز الطبي بالكامل طول الوقت كانوا معانا و مخلصين في عملهم".
وأردف:" وعايز أشكر رجالة الأوضة اللي من غيرهم مستحيل كنا نقدر ننجح أو نوصل لأي هدف من أهدافنا اللي حققناها، كانوا دايما بيعملوا ٢٠٠٪ و عمرهم مقصروا معانا".
وأزاد :" أخواتي و أصحابي و أهلي ورجالتي ك كابتن للفريق، لاعبي الفريق بالكامل، شكرًا علي كل حاجه، من غيركم كنت مستحيل أقدر اوصل لأي حاجة و بعتذرلكم لو كنت في يوم قصرت مع أي حد ربنا يعلم أنا كنت دايما اخ و صاحب و دايما كنت عايز اعمل لكم افضل حاجه ك كابتن للفريق وأخ، إن يعلم الله في قلوبكم خيرًا يؤتكم خيرًا مما أخد منكم ويغفر لكم والله غفور رحيم".
واختتم حديثه قائلًا:" مسيرة أمتدت لأربع مواسم و نصف بين جدران نادي بتروجيت ووصلت إنهاردة لنهايتها و لنا لقاء إن شاء الله ، شكرًا جزيلًا".