علق مارسيل كولر المدير الفني للأهلي على الهدف الذي سكن شباك محمد الشناوي في لقاء مودرن سبورت والذي انتهى بفوز الأهلي بنتيجة 2/1.
وقال كولر خلال المؤتمر الصحفي الذي أعقب فوز الأهلي على مودرن سبورت: "مشفتش الكرة اللي دخلت الشناوي وغير انا في الملعب، لازم لما اروح وأشوف الماتش واقيمه هقدر أشوفها وأقيم الغلط منين بالظبط".
وأضاف كولر: "طبيعة كرة القدم اللاعيبة بتعمل أخطاء والحارس ممكن يعمل أخطاء هارجع تاني اشوفها وارجع أقيم ولازم اخد القرار الصحيح في الوقت الصحيح".
وأشار كولر: "كرة زي دي، مش لازم الشناوي يكون هو الغلطان فيه أخطاء مدافعين او خط وسط ممكن تسبب أهداف لازم أقيم اللعبة كويس".
واختتم كولر تصريحاته: "محبش انه يدخل فيه أهداف لكن بيحصل، لما بتكسب بتتغاضى شوية عن ان دخل فيك جون لأنك كسبت في النهاية في ظل منافسة قوية وعنيفة مع بيراميدز فأحيانا تتقبل بعض الأخطاء مع ضغط المباريات".
وواصل الأهلي انتصاراته في بطولة الدوري المصري ووصل إلى النقطة 63 ويواجه يوم الإثنين المقبل فريق بيراميدز في لقاء حاسم.