محمد يوسف: فيتوريا رفض تواجدي في منتخب مصر لأنه أراد مدرب مساعد بلا شخصية



كشف محمد يوسف المدير الفني الأسبق للنادي الأهلي، كواليس رفض البرتغالي روي فيتوريا المدير الفني السابق لمنتخب مصر تواجده في الجهاز الفني كمدرب مساعد.

وبعد تعاقد اتحاد الكرة مع فيتوريا، تم عرض عليه السيرة الذاتية لمحمد يوسف ليصبح مساعدًا له في الجهاز الفني لمنتخب مصر، ولكن تم رفضه من قبل المدرب البرتغالي.

وقال محمد يوسف خلال حديثه عبر قناة أون تايم سبورتس: "لما طلع كلام أني هكون مدرب مساعد مع روي فيتوريا والأخبار اتسربت، واتعرض عليه السي في بتاعي قالهم ده راجل واخد دوري أبطال إفريقيا وسوبر إفريقي مع الأهلي قالهم أنا عاوز حد صغير".

وأضاف: "قالهم الراجل ده مدير فني كان وجهة نظره أنه عاوز حد أصغر من كدة أو أقل من كدة في الفترة دي كانت طلعت تصريحات على لسان الراجل أنه عاوز حد صغير وحد يتعلم فلما رفض وأنا في نفس الوقت كمان خلاص العرض قفلته لأن الراجل مش مرحب ومش فاهم الدور اللي أنا جاي علشانه".

وأكمل: "انطباع عندي أنا خدته أنه مش عاوز حد مساعد معاه أصل المساعد ده دوره مهم جدا في مديرين فنيين بيجيبوا مدربين مساعدين أقوياء جدًا وفي مدربين تانيين بيبقى عاوز مساعد قليل علشان يعرف يقوده يكون معندوش فكرة ولا رأي ولا شخصية".

واختتم محمد يوسف حديثه: "أنا لعبت دور مدرب مساعد ومدرب عام ومدير فني محستش أن الراجل عاوز حد عنده شخصية ورأي ويقدر يساعده وأساسًا الدور ده أنا بطلته بس علشان منتخب مصر وتكليف من اتحاد الكرة كنت موافق".

استطلاع الراى


توقعاتك لمواجهة الأهلي ضد مازيمبي بدوري أبطال أفريقيا؟
دوري أبطال أفريقيا - 2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا