عدلي القيعي يوجه 7 رسائل قوية



وجه عدلي القيعي رئيس شركة الكرة بالنادي الأهلي رسائل قوية لجماهير النادي خلال الفترة المقبلة بعد التعادل الأخير للفريق في دوري أبطال أفريقيا وحساب الأهلي على الكمال.

وقال القيعي عبر قناة الأهلي الرسائل التالية:

"الأهلي فوق الجميع دي أهم كلمة يجب أن نعيشها كلنا أهم من انتصارنا لرأينا أهم من انتصارنا لمصالحنا أهم من فكرة إن إحنا عايزين بس إيه نقول أنا قلت لكم وأنا أول واحد قال السبق الصحفي والإعلامي أهم من مين يوصل ومين مايوصلش".

"مصلحة النادي الأهلي فين؟ إذا ما عرفنهاش يبقى مش عارفين معنى الكلمة دي عايشين حالة من عدم السعادة بالنادي الاهلي و دي حاجة غريبة جدا في الوقت اللي غيرنا بيفرح فيه بأي انتصار، وبأي توهج لنجم من نجومه وبيساند فرقته في حالة نهضة من كبوتها إحنا عمالين نتحاسب على الكمال والكمال مش موجود في أي حتة".

"كنا بنراهن على حاجات من ثوابت النادي الأهلي، إن في قوة كاملة جوة النادي الاهلي روح النادي الأهلي، مواجهة التحديات مساندة الجماهير في اللحظات الحاسمة.  كل ده اللي كان بيطمنا لو أي عنصر من العناصر دي. أتهز شوية القلق بيبقى أكتر من الإصابات، يعني الذي يهدد الأهلي الآن أن نقف جميعا خلف النادي الأهلي"

"مش كل واحد عايز حاجة في دماغه، لو متحققتشي يهاجم الناس وبضراوة ولا يستثني أحد أنا مندهش جدا من الهجوم على النادي الأهلي من أول رئيسه بالطريقة دي لمجرد إن يحصل نتيجة، كلنا متضايقين من النتائج السلبية، لكن مش كلنا هنغضب ونتصرف بغضب لإن فيه مسؤولية بتقتضي إنك تتصرف باحترافية".

"اللي عندنا كمعلومات وعند الأجهزة، مش متوافر لدى الجماهير، ماينفعشي إن أنا عشان إدارة ما تدافع عن نفسها تطلع تقول أصل الحقيقة جماعة كذا كذا كذا، كذا، هذا يعرض النادي الأهلي وأسلوبه للخطر لا بد أن نشعر بثقة الجماهير ، غيرنا يتمنى ما يحققه النادي الأهلي من جماهير يتمنوها نصفها و بيسعدوا بأداء نجومهم، حتى لو الماتش لما بيكسبهوش بيطلعوا فيه بإيجابية شوفت الشوط وشفت اللعبة  شفت المهارة شفت فلان، مش إنك تدور على السلبيات".

"وكلاء اللاعبين مش مؤثرين على الرأي العام؟ مالهمش إعلام بيتفقوا معاه عشان يضغطوا ويروجوا؟ 90% من الأخبار اللي بره دي مش صح، الترويج ده معناه ان جمهورك لو محصلش يشعر بإخفاق مفيش فترة انتقالات مدعمتش ال الفريق بتلات اربع عناصر في منتهى القوة وبدراسة حقيقية".

"الكلام من بره لمجرد الهجوم للأسف بعض جماهير الأهلي بتصدقه وخصوصا لما يكون من إعلام بيروج نفسه أنه أهلاوي،  النهاردة علينا الفرز ، لا يمكن القبول بأن إحنا نقيم باللقطة، النادي الأهلي عمره ما كان كده نطلع اللقطة دي السما ونوقع باللقطه اللي بعدها للأرض سواء كان إداري أو لاعب أو مدرب أو هذه مشاهد لم يعتاد عليها النادي الأهلي".

استطلاع الراى


أفضل لاعب في فريق الأهلي عام 2023
الدوري العام - 2023/2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا