قال أحمد مرعي المدير الفني لفريق سلة الزمالك أن ما قام به مصطفى كيجو حدث لم يحدث في تاريخ نادي الزمالك خاصة أنه رحل بشكل مفاجئ.
وقال مرعي لبرنامج الماتش مع هاني حتحوت عبر شاشة صدى البلد: "فيه لعيبة مشيت كتير بس في نهاية الموسم عشان المستحقات، لكن في وسط الموسم وبالطريقة ديه اول مرة تحصل في تاريخ السلة في نادي الزمالك".
وأضاف مرعي: "أنا دمي تقيل وكنت بلوم مصطفى كيجو كتير بس ده مش معناه انه لعيب وحش، لعيب كويس وكان بيتعرض انتقادات مني لأني بطلب حاجات كتير".
واختتم مرعي تصريحاته: "اللي يقول أن الأهلي شرب مصطفى كيجو انا ضد الكلام ده، ممكن جدا طريقة الأهلي يتألق فيها ويقولوا مرعي معرفش يستفيد منه ويحصل عكس الكلام ده في الأهلي".
وتعاقد الأهلي مع مصطفى كيجو ليضم لكتيبة أوجستي الذي حقق معه الأهلي كل البطولات الفترة الأخيرة وينافس في بطولة العالم للأندية وكذلك بطولة أفريقيا.