أسامة حسني: من يتحدث عن السحر مكانه مستشفى الأمراض العقلية.. ربنا اسمه العدل



أكد أسامة حسني مهاجم النادي الأهلي السابق أنه كان على ثقة كاملة بفوز المارد الأحمر على فريق الزمالك في مباراة القمة أمس السبت ببطولة الدوري المصري.

وقال أسامة حسني في تصريحات عبر قناة النادي الأهلي أمس "مبروك لجمهور الأهلي واللعيبة والجهاز الفني ومحمود الخطيب رئيس النادي".

وتابع "هو ده ربنا، ربنا اسمه العدل، حتى لو كان الأهلي سيء لكن الأمور خارج كرة القدم ربنا اسمه العدل، مينفعش واحد بيطلع كل يوم على الهوا مفتوحله يتكلم ويسب الناس ويشتمهم والامهات وابشع الالفاظ وفي النهاية ربنا ينصره، مستحيل، دي تبقى فتنة في الأرض".

وأضاف "قبل ما تكون مباراة كرة قدم ده عدل ربنا في الأرض، ربنا اسمه العدل، حتى لو كان الأهلي كان وحش في المباراة النهاردة كان عندي يقين في ربنا، ربنا اسمه العدل".

وواصل أسامة "الهوا مفتوح لواحد كل يوم هو والناس الي معاه بيشتموا ويتجاوزوا، مفيش حد في دولة كبيرة زي مصر يطلع يقول عيب، والمجلس الاعلى للاعلام لا يتحرك".

وأردف "المباراة خارج التقييم وخارج الأمور الفنية، النهاردة واحنا بنلعب مباراة كرة قدم في مجلس ادارة شغال يشوف النواقص، شوف التدعيمات، خالد عبد الفتاح ومروان عطية مكاسب لمنتخب مصر قبل ما يكونوا للأهلي".

واختتم أسامة حسني تصريحاته "عندنا مجلس إدارة عاوز اعرف نواقصي واشوف اخطائي فين واشتغل عليها، مش مستني كلام عن السحر زي الي بيتقال، بيطلع شخص كل يوم يقول الخطيب عامل سحر، الي بيقول كدة مكانه مستشفى المجانين في العباسية، ده شخص دخيل على كرة القدم ".

استطلاع الراى


ما رأيك في تطبيق الأهلي دوت كوم الجديد؟
الدوري العام - 2023

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا