الدوري العام - 2023/2024

متعب: إشارتي لبكاري جاساما تعلمتها من جوزيه.. ولا أعلم سبب تركه حتى الآن



تحدث عماد متعب مهاجم النادي الأهلي ومنتخب مصر السابق عن لقطته الشهيرة مع الحكم بكاري جاساما بعد مباراة الفريق أمام الوداد المغربي في نهائي دوري أبطال إفريقيا عام 2017.

وقال متعب خلال حديثه عبر إذاعة أون سبورت: "انا اتضايقت اني عملت كدة لكن هو عصبني بشكل كبير.. كان محجمنا بشكل كبير جدا وكلنا عارفينه".

وأضاف: "انا ماكنتش بقوله انت قابض دي اشارة شهيرة كان ماستر مانويل جوزيه بيعملهالنا ده معناه انه زيرو انا بقوله انه زيرو متفرحش بالصورة انت تقييمك انهاردة صفر".

وأكمل: "لو رجع بيا الزمن ماكنتش هعملها تاني دي كانت اخر مباراة ليا في دوري الابطال على ما اعتقد مكانتش حابب ان النهاية في بطولة افريقية بالشكل ده بالذات اني كنت كابتن الفريق مكانش ينفع يبقى في موقف مني بطولة كبيرة كان نفسي احققها وانا كابتن النادي الأهلي كان نفسي ارفع الكاس وانا كابتن لكن محصلش نصيب".

واستكمل متعب حديثه عن جاساما: "هو ذكي جدا في إنه يخلي اللعيبة تخرج من تركيزها ويودي المباراة في الاتجاه اللي هو عاوزه من غير ما يكون في حاجات واضحة بشكل كبير يعني مثلا فاول ليك ميحسبوش كورة اخف بكتير عليك يحسبها ويديلك انذار هجمة مرتدة ليك يروح مصفر فاول".

وأتم متعب: "حاجات فنية الناس ممكن متفهماش اوي لكن في الملعب بنكون متقيدين مرعوب تعمل اي حاجة لأنك مستني الكارت انت بتدخل على أي لاعب بتبقى عارف انه هيصفر أي لاعب هيدخل عليك عارف انه مش هيتحسبلك فاول هو صعب جدا ومش عارف لحد دلوقتي متساب ليه الموضوع صعب جدا".

استطلاع الراى


توقعاتك لمواجهة الأهلي ضد مازيمبي بدوري أبطال أفريقيا؟
الدوري العام - 2023/2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا