أبو هشيمة يكشف عن مشروع منتظر مع كريستيانو رونالدو في مصر



كشف أحمد أبو هشيمة رجل الأعمال المصري وعضو مجلس الشيوخ عن توقيعه لعقد شراكة مع النجم البرتغالي كريستيانو رونالدو لاعب مانشستر يونايتد الإنجليزي لإقامة أحد المشاريع الخاصة بالأخير في مصر.

وقال أبو هشيمة خلال حديثه عبر قناة إم بي سي مصر: "في علاقة ممتدة من 2016 مع كريستيانو رونالدو وقلبت بيزنس الأسبوع اللي فات، هو شخصية محترمة مش لاعب كورة عادي".

وأضاف: "رونالدو عنده شركة اسمها "Legend cr7" عاملين فكرة عظيمة حاجة اسمها "فوت لاب" فكرتها ازاي يستخدموا التكنولوجيا في الحقيقة بدل البلاستيشين".

وأوضح: "حاجة على 3500 متر حاجة مش معقدة تدخل جوا تبقى هي كل حاجة بتلعبها في البلاستيشين تبقى موجودة على الحقيقة.. هدفها اكتشاف المواهب لأن كل حاجة هتعملها جوا هيجيلك عليها تحليل وتقييم الأداء هتلاقي واحد بيشوط كورة هيجيله قوة الشوطة واتشاطت صح أو لا بيرقص أو بيعمل دريبيل هيجي كل التحليل بتاعه".

وأتم أبو هشيمة حديثه: "شايف الشعب المصري فيه مواهب وحب الشعب المصري للكورة كبير جدا الموضوع ده ينفع للصغار والكبار.. الشركة بتاعت كريستيانو وانا خدت حصري في مصر ومضيت معاه لسة هعلن اروح البرتغال ونعلن عن الموضوع ده.. ممكن احطها في كل حتة في مصر ده جزء من استثمار رياضي".

استطلاع الراى


هل يحتاج الأهلي التعاقد مع صفقات جديدة بعد التعاقد مع شادي حسين وبرونو ومصطفى سعد؟
دوري أبطال أفريقيا - 2023

الفيديوهات الأكثر مشاهدة خلال شهر