تحدث سيد عبد الحفيظ مدير الكرة بالجهاز الفني للفريق الأول لكرة القدم بالنادي الأهلي، خول أزمة تضارب المواعيد بين كأس الأمم ومونديال العالم للأندية.
وقال عبد الحفيظ خلال تصريحات عبر قناة "الأهلي":" اختيار المواعيد من الفيفا لغز وهيجي يوم ونفهمه الموضوع مش عادي ولا صدفة والموضوع محير".
وتابع: "القصة في العدد الغائب عنك، هطرح سؤال لو قولت لتشيلسي روح بـ 30 لاعب بس من غير الـ 11 الاساسين بتوع هيوافق.. لا طبعاً، أي منطق".
وأضاف:" أنت لحد دلوقتي مسمعتش الاتحاد المصري أتكلم أو قال انه بيستنكر اللي بيحصل، الموضوع موقف مفروض يتأخذ انت عبر التاريخ سواء اتحاد مصري أو افريقي الممثل ليك النادي الأهلي سواء الأهلي محبب ليك او لا ده قصة تانية".
وواصل: "الأهلي ده بيمثلك مفروض يكون في نوع من التصميم والاستنكار ويبان في التعامل مع القصة، لكن انا أشك من اللقاءات اللي بتحصل خلال كأس العرب أن تضارب المواعيد معروف من فترة".
واختتم: "ده كمان بدأوا يبعتولك ان في قائمة أولية يوم 3 ونهائية يوم 23 يناير، طب انا لو حطيت 23 اسم منهم 10 مش هيكونوا موجودين.. طب أزاي؟".