تحدث محمد عادل حكم مباراة الزمالك والأهلي عن اصعب لحظة مر بها خلال اللقاء الذي اقيم الجمعة الماضية وانتهى بفوز المارد الأحمر بنتيجة 5-3.وقال عادل في تصريحات إذاعية خلال برنامج مع شوبير صباح اليوم الإثنين "كنت حزين اني مأدرتش مباراة قمة في الموسم الماضي ولكن ربنا عوضني عن حاجات كتير بإدارة مباراة الموسم ده".وأضاف "قبل المباراة بليلة تم تبليغي باختياري حكمًا للقاء، لما ادرت مباراة الأهلي والاسماعيلي قلت خلاص انا كدة مش هحكم مباراة الزمالك والأهلي".وواصل "اصعب لحظة بعد هدف الأهلي الثالث لما بدات احس لعيبة الزمالك بدأت تتوتر مع خوفهم من النتيجة العالية مش من التحكيم".وتابع "حتى في السماعات كنت بقول للحكام احنا دلوقتي في مرحلة الإدارة، لإن سهل أي حد يعمل اي حاجة وياخدوا كارت في كارت وتبقى انت محتوتش اللعيبة بالشكل الأمثل، لكن المباراة كانت ممتعة وخرجنا بيها بالشكل الي يرضي الفريقين".