وليد سليمان عن رمضان صبحي: رصيده خلص والأهلي كان بيخطط انه يكون أسطورة



أبدى وليد سليمان صانع العاب النادي الأهلي ضيقه من رحيل رمضان صبحي إلى صفوف بيراميدز في الموسم الماضي.

وقال وليد سليمان في تصريحات تلفزيونية أمس الأحد "ربنا يكرمه ويوفقه ان شاء الله، زعلت لما راح بيراميدز، مش رمضان الي يعمل كدة علشان عنده غيرة غير طبيعية مع المنتخب".

وتابع "معرفش سبب قراره، بس ممكن يكون خانه التفكير او القرار في الوقت ده انه يروح بيراميدز، هو أدرى بمسئولياته".

وأضاف وليد "انا زعلت ان رمضان صبحي مشي، للأمانة النادي الأهلي عمل كل حاجة علشان خاطر رمضان وكان النادي بيستعد انه يخلي رمضان في مكان تاني خالص".

وواصل "الأهلي كان في طريقه انه يحط رمضان صبحي أسطورة للنادي في المستقبل، مثله مثل حسام غالي، مش هيوصل لده مع بيراميدز، هم مش الأهلي مع احترامي ليهم".

وأردف لاعب الأهلي "عودة رمضان تعود للإدارة وجماهير النادي الأهلي، كنت اتمنى ميغلطش الغلطة دي، كنت اتمنى يستمر علشان هيبقى حاجة كبيرة في النادي".

وأختتم الحاوي وليد سليمان تصريحاته "رمضان لو رجع رصيده خلاص خلص، الي يفضل في الأهلي رصيده بيكبر والناس بتشيله، لكن لو رجع دلوقتي مش هيبقى له رصيد عند الجمهور خالص".

استطلاع الراى


هل يحقق الأهلي لقب دوري أبطال أفريقيا؟
دوري أبطال أفريقيا - 2021/2022

الفيديوهات الأكثر مشاهدة خلال شهر