كشف خالد الغندور لاعب الزمالك الأسبق والإعلامي الحالي بقناة الأبيض، عن موقف الأبيض من الاستمرار أشرف بن شرقي سواء بالتجديد أو الرحيل.

وقال الغندور عبر مقطع فيديو على قناته الرسمية على اليوتيوب: "أشرف بن شرقي قولا واحداً الأهلي أتكلم معاه وبيراميدز أتكلم معاه وهو مش قافل الباب".

وأضاف: "هو بيسمع ووكيله بيسمع لكنه لا هيروح الأهلي ولا بيراميدز ولا هيجدد للزمالك لان اللاعب أتكلم مع كاريترون وبلغه انه مالوش رغبة انه يكمل وانه جايله عرض من قطر ومن دبي ورغبته الحقيقية انه السنة الجاية يكون في دبي".

وتابع: "هو مرتبط وهيتجوز وعاوز يعيش هناك ولو ملعبش في دبي هيبقي قطر ودول المكانين اللي يقدروا يدوله التلاتة مليون يورو اللي عاوزهم هناك لكن العيب في أشرف بن شرقي انه مش واضح".

وواصل: "كل يوم بيقول بكرة بعده شرط جزائي، وبلغ زميله في المغرب انه مش عاوز يخليه يكمل والمدرب المغربي مشترط انه في حالة انه ملعبش ماتشات مش هينضم وفي كأس الأمم الافريقية".

وأكمل: "كذلك الزمالك لو ملاعبوش وكارتيرون مش عاوز كدة عاوزه يلعب حتى لو مش هيجدد وبن شرقي هيستني ليناير عشان يمضي ومش هيمضي للزمالك الا لو ادوله 3 مليون يورو ودة مش هيحصل، وانا بقوكلم أشرف بن شرقي مش هيجدد ومشكلته انه مش صريح".