أكد طه اسماعيل شيخ المحللين وأحد نجوم الأهلي القدامى أن من خرج من جدران القلعة الحمراء خلال العامين الماضيين هو الطرف الخاسر حتى لو كان رحيله بسبب مقابل مادي أكبر.

وقال طه اسماعيل عبر قناة أون تايم سبورت ظهر الأحد "الي يقبل انه يمشي يبقى لو قعد مش هيضيف كتير لإنه مالهوش وفاء للنادي".

وتابع "ممكن اوازن بين الفروق المالية المعروضة من الأهلي ومن أندية أخرى واني هل اضحي بالبطولات علشان الفارق المادي ده ولا لا".

وأضاف "شوف الي خرج هتلاقيه خسر 2 افريقيا ودوري وكاس وسوبر افريقي وفي المقابل مكسبش ولا بطولة، فهل كل ده يوازي الفارق المادي الي رحل بسببه عن الأهلي".

وواصل الشيخ طه اسماعيل تصريحاته "لو كل واحد خرج من الأهلي عمل كشف حساب هيلاقي نفسه خسران كتير قوي".