واصل لاعبو الزمالك السابقون الكشف عن قصص تاريخية لطلب مسئولي النادي الأبيض منهم تفويت بعض المباريات.

وقام رضا عبد العال لاعب الأهلي والزمالك السابق بالكشف أمس الخميس عن واقعة جديدة طلب فيها فاروق جعفر تفويت مباراة بالدوري أمام نادي السكة الحديد.

وقال رضا في تصريحات لبرنامج البريمو أمس الخميس "انا اتطلب مني مرة تفويت مباراة وأنا في الزمالك وكانت مباراة قصاد السكة الحديد".

وتابع "كنا واخدين الدوري وقتها، وفاروق جعفر قالنا السكة محتاجة تقعد في الدوري علشان صراع الهبوط كان بين السكة والمقاولون".

وأضاف "فاروق جعفر خيرنا وقتها ما بين اننا نلعب او منلعبش خالص، ف قولنا منلعبش خالص في المباراة، هو كان عاوز يريحنا في المباراة".

وواصل رضا عبد العال "فاروق قالنا هنريح في المباراة وإن السكة تتعادل او تكسب في المباراة هي وحظها بقى، قولنا مفيش مشكلة نريح خالص وبلاش نلعب المباراة".

وأردف "والله العظيم ما فاكر الماتش خلص كام لاني كنت برة القائمة خالص، بس الموسم ده المقاولون العرب هو الي هبط".

وأختتم عبد العال تصريحاته "لما يتطلب منك تفويت مباراة يبقى الأحسن متلعبش اصلا، لان الجماهير لو شافت منك مستوى غير الي متعوداه هتبقى صورتك وحشة قدام الجماهير، لكن متلعبش أحسن".

طالع أيضًا:

الثنائي أبو الدهب يرويان قصة تاريخية.. الزمالك حاول شراء مباراة المصري والفوز بدوري موسم 91 بـ 10 آلاف جنيه