شيكابالا عن مشاكله مع جماهير الأهلي: أنا هجيب حقي بطريقتي



أكد محمود شيكابالا، لاعب الفريق الأول بنادي الزمالك أنه سيعمل على أخذ حقه بطريقته في ملف مشاكله المعتادة مع جماهير الأهلي، طالما إن لم يتدخل الأطراف المعنية لمنحه حقه –على حد تعبيره-.

وقال شيكابالا في تصريحات لقناة الزمالك :"في مباراة الأهلي الأخيرة، (أنا طالع مفيش حاجة، وقبل الماتش كنت بهزر مع الناس وبضحك ومفيش حاجة، وانت خارج فتلاقي ناس بتشتمك .. ماشي)".

وأضاف :" (لو أي حد بيديك حقك في المشاكل عمرك ما هتعملها تاني، بس لما تحصل مرة والتانية والتالتة محدش بيجيبلك حقك، لأ خلاص ماشي أنا هجيب حقي بطريقتي بقى سواء هي صح أو غلط)".

وتطرق شيكابالا لحديث آخر، أوضح فيه أن فريقه يتعرض لشائعات كثيرة في الآونة الأخيرة، حيث قال :" (احنا بنزعل لما تبقى اللاعيبة ليها مستحقات ومحدش بيتكلم، وبتطلع ناس فجأة تقول اصل اللاعيبة دي مبتنزلش التمرين)".

وتابع :" (الكلام ده مبيحصلش خالص، لما تقولوا قولوا الحقيقة، عروض الاحتراف بتجيلنا في ثانية ؟ مبنتكلمش في الحاجات دي مع بعض أصلا، عشان دي حاجة مش موجودة)".

وأتم شيكابالا تصريحاته قائلًا :" (بنبقى بس محتاجين الناس اللي في النادي أو الناس اللي ماسكينا يطلعوا يدافعوا عننا، بدل ما يسيبوا الدنيا، عاوزين جماهير الزمالك تبقى فاهمة ان اللاعيبة مش كدة)".

استطلاع الراى


افضل لاعب بفريق الأهلي ببطولة دوري أبطال أفريقيا
الدوري العام - 2020/2021

الفيديوهات الأكثر مشاهدة خلال شهر