أكد طارق العشري، مدرب حرس الحدود وطلائع الجيش السابق أنه كان يستغل تصريحات مرتضى منصور، رئيس الزمالك الأسبق لدعم فريقه نفسيًا قبل مواجهة الأبيض.
وكان مرتضى منصور قد اتهم طارق العشري في أكثر من مناسبة خلال المواسم الماضية باللجوء إلى السحر والشعوذة من أجل الفوز بالمباريات.
وقال العشري في تصريحات عبر قناة أون تايم سبورت :"السحر والشعوذة والأعمال ؟ كنت خدت الدوري –ضاحكًا-"، قبل أن يكمل :" (عمري ما عملت عمل في حياتي)".
وأضاف :" (كل اللي انا بعمله اني بحاول اقرب من ربنا عشان ربنا يوفقني، وفِكر أحاول أن أنفذه مع اللاعبين، ومرتضى منصور كان دائما يتهمني بالسحر، وأنا كنت أستغل ذلك نفسيًا".
وواصل :" (كنت بجيب مياه من البحر وأقول للعامل رشها في الملعب، وفعلا يومها كسبنا أو اتعادلنا ورئيس الزمالك صوّر العامل اللي بيرش الملعب وقعد يقول انت مش هتبطل سحر يا طارق يا عشري)".
وأتم العشري قائلًا :" (عمري ما روحت لشيخ ، أروح لشيخ اعمل بيه ايه ؟ مش عاوزين نرسخ حاجة زي دي في عقول الناس، الكلام ده عيب، انت بتجتهد في الملعب والتوفيق بتاع ربنا)".