القيعي والمنيسي يهاجمان عمرو الجنايني عقب تصريحاته: والله لازم يفتح تحقيق رسمي



علق الثنائي عدلي القيعي وإبراهيم المنيسي مقدما برنامج ملك وكتابة على ما قاله عمرو الجنايني رئيس اللجنة الخماسية السابقة لإدارة اتحاد الكرة.

وأوضح الجنايني رئيس اللجنة الخماسية السابق التي كانت مكلفة بقيادة الاتحاد المصري لكرة القدم انه هو من لفت نظر الزمالك من اجل التحدث في ازمة عدم خوض النادي الأهلي لمبارياته في الإسماعيلية او بورسعيد بجانب أنه ساهم في قيد كاسونجو رغم المخالفة.

وقال الجنايني في تصريحات عبر برنامج كلوب هاوس "طلبني السيد رئيس الزمالك السابق وقاللي مش معايا فلوس وعاوزين نسجل كاسونجو، قولولته ما انت معاك فلوس الإعلانات، قاللي لا اتصرفت ونعملك تمثال، قلتله لا تمثال ولا حاجة أبوس ايدك لا تمثال ولا تجيب سيرتي".

وجاء ما يلي على لسان الثنائي عدلي القيعي وإبراهيم المنيسي تعليقًا على تصريحات الجنايني:

"خليكوا فاكرين الكلام الي كان ومازال بيتقال الأهلي بيتجامل والدولة بتعمل ايه، ربنا بيستنطق أصحاب الشأن نفسهم في لحظات مهمة، أستاذ عمرو الجنايني تم تبرير تسريباته انه بيقدم أمارات انه زملكاوي علشان لما ينزل الانتخابات".

"الي اتقال ده كلام خطير جدًا، أخطر ما فيها انه قال ان الزمالك الوحيد الي اتقيد له لاعبين بدون تسديد رسوم، كل الأندية سددت الا الزمالك، وانه اجبر الأهلي وكل الفرق على السداد من أجل تسجيل اللاعبين".

"الورق ورقنا والدفاتر دفاترنا قالهم لما تبقى تيجي فلوس الاتحاد الافريقي وقت ما تبقى تيجي وقتها تتخصم، الفلوس دي راح اخدها الزمالك من الكاف المنبع نفسه مش من الاتحاد وبكدة مفيش حاجة اتخصمت، زيها زي غرامة الـ 300 ألف دولار الي موقعة على الزمالك وسددها هاني أبو ريدة من مستحقات الزمالك وجه التفتيش المالي قاله انت محصلتش الفلوس".

"فين تكافؤ الفرص وحقوق الأندية، زي ما بيحصل النهاردة وشوفتوا الشركة الراعية والوزير بيعمل ايه هنا وبيعمل ايه هنا".

"تصريحات مرتضى ضد الجنايني كانت صورة وتغطية على الي بيحصل، دي تصريحات مسؤول بيسبب فتنة، اقسم بالله ده كلام لازم يتفتح فيه تحقيق رسمي، ده مكنش بيمثل نفسه، ده طلع بيقول انا عملت وعملت ومحترمش انه بيروج للموقف الأمني بخصوص مباراة الأهلي والإسماعيلي بشكل غلط".

"كويس ان الناس موجودة وشايفة في وجود اخر مرتين الأهلي فاز بيهم بالدوري كان عمرو الجنايني موجود، 95% من عدد مرات فوز الزمالك بالدوري كان في فترات رئيس الاتحاد انتماءه للزمالك، لو الدنيا ماشية بأصولها كان عدد البطولات زادت عن كدة".

استطلاع الراى


افضل لاعب بفريق الأهلي ببطولة دوري أبطال أفريقيا
الدوري العام - 2020/2021

الفيديوهات الأكثر مشاهدة خلال شهر