كشف أحمد حسام ميدو عن مشاجرته مع فاروق جعفر بعد هجومه على قناة الزمالك بسبب هجومها على لاعبي الزمالك مشيرا بأن هذا الأمر لا يحدث في أي قناة بالعالم.

وقال ميدو عبر منصة التواصل الاجتماعي كلوب هاوس: "طالما انت ارتضيت تشتغل في قناة النادي تدافع عن النادي واللاعيبة لأنها النافذة الإعلامية الرسمية لمجلس إدارة النادي، اتكلمت وقولت الكلام ده، ما بالك باللي قاعد في القناة دول ناس نجوم واساطير الزمالك وفيه منهم مسئولين وأصحاب مناصب في النادي".

وأضاف ميدو: "أنا لو المدير الفني للزمالك وسمعت ان رئيس قطاع الناشئين اللي انا شغال معاه بيقطع فيه وبيهاجمني على قناة النادي الرسمية، أقسم بالله لما أشوفه جوه النادي أديله 100 قلم على وشه، ده مش موجود في أي حتة في العالم الا نادي الزمالك".

وتابع ميدو: "لما قلت الكلام ده، بعدها بيومين، واحد من الرموز الكبار اللي محسوبين علينا في الزمالك، قابلني في أحد الأماكن، لقيته بيسلم عليه بطريقة مش كويسة، مالك يا كابتن فلان، قالي يعني عاجبك الكلام اللي بتقوله علينا، كررت الكلام".

وأخطأ ميدو وذكر أن هذا النجم هو فاروق جعفر مشيرا: "قولتله يا كابتن فاروق عاوز اقولك حاجة لازم نقف جنب الناس وجنب الفريق، راح رادد عليه، ومين قال قالك اننا عاوزين نقف جنب الزمالك، بقولك مين قالك عاوزين الزمالك يقف على رجله".