تحدث عماد متعب مهاجم الأهلي السابق عن إيقاف محمود عبد المنعم كهربا لمدة شهر من خوض المباريات مع المارد الأحمر بعد قرار الجهاز الفني أمس الأربعاء.
وكان El-Ahly.comقد علم أن سبب توقيع الأهلي العقوبة على كهربا هو تفاديه لتبادل التحية مع بيتسو موسيماني، المدير الفني للفريق عقب نهاية مواجهة طلائع الجيش الأخيرة، والتي جرت ضمن منافسات الدوري العام.
وقال متعب في تصريحات تلفزيونية أمس الأربعاء عبر أون تايم سبورت "اكيد المشكلة او الحدث كبير بسبب العقوبة المعلنة، واضح ان المشكلة كبيرة مع المدير الفني وعلشان كدة الأهلي اعلن ان الجهاز الفني هو الي قرر العقوبة".
وتابع "الأهلي داخل على فترة حرجة ومحتاج فيها كل اللعيبة ومع ذلك تم إيقاف كهربا وهذا دليل على حجم الخطأ، كانت وجهة نظرنا قبل ما يجي انه لاعب كبير بس مطالب انه يركز اكتر ويكون أهدى بشكل أكبر".
وأضاف متعب "كهربا هو الي بيبعد نفسه بنفسه، حاليًا قرر يبعد نفسه شهر عن الأهلي، الهالة الي حواليه انه عامل مشاكل دي حاجة هتضره وهتضر النادي وعلاقته بالجمهور".
وواصل "كهربا لازم يعتذر للجهاز الفني حتى لو الجهاز الفني مش هيوافق، الجهاز الفني له الحق الكامل، تاني حاجة الخطأ مينفعش يتكرر تاني، وتالت حاجة لازم يتمرن بشكل منتظم أكتر".
واختتم القناص تصريحاته "الفترة الأخيرة كل اللعيبة في المركز الهجومي بتشارك، محدش منفرد بمركزه، ده بيريح وده بيشارك مكانه، يعني رجلك في الملعب يا كهربا، انك عاوز تبقى وقت اكتر ده حقك لكن بدون مشاكل، مينفعش النقاش يتعدى النقاش، اعتقد ان ده جهاز انذار لكهربا لو حصل حاجة تاني".