تحدث محمد شوقي مدرب منتخب مصر الأولمبي عن رمضان صبحي لاعب نادي بيراميدز واهتزاز مستواه وثقته في نفسه بعد دخوله في صدامات مع جماهير النادي الأهلي بسبب طريقة رحيله عن القلعة الحمراء.وقال شوقي في تصريحات عبر برنامج جمهور التالتة أمس الأحد "الموضوع مش اننا هنتعامل مع رمضان صبحي نفسيًا بس، في قرارات نقدر نجيبه ونكسبه بيها".وتابع "مثلًا مستواه قبل بطولة إفريقيا مش زي مستواه وقت البطولة، ساعتها لعبنا معاه لعبة صغيرة، كابتن شوقي غريب قاله انت هتكون كابتن المنتخب في البطولة وهو كان عارف انه هيكون اول واحد يتم انتقاده مع أي اخفاق ومع ذلك وافق وكان قد المسؤولية".وأضاف "هنصبر على رمضان صبحي، لو اتكلمنا معاه دلوقتي ممكن يتضغط أكتر وتيجي معاه بشكل عكسي، حتى لو هنصحه نصيحة صح بس ممكن تبقى في وقت غلط".وواصل شوقي "لسة بدري على نقطة تجمعه في المنتخب، حاليًا مفيش تواصل كبير بينا، ممكن يكون رافض أي نصيحة في الوقت الحالي انه يسمعها، لكن لما يقف على رجله نتكلم".