انتقد رضا عبد العال لاعب الأهلي والزمالك السابق تصرفات مصطفى محمد مهاجم فريق الزمالك الحالي والذي بدأ التمرد على ناديه من أجل اجبارهم على الموافقة على رحيله في انتقالات يناير.
وقال رضا عبد العال في تصريحات عبر برنامج اللعيب أمس الجمعة "مصطفى وهو في طنطا وطلائع الجيش كان بيتمنى بس يرجع يلبس قميص نادي الزمالك، دلوقتي بيتمرد عليها".
وتابع "انا عملت خلاف مع حسام البدري بسبب مصطفى محمد علشان عاوزه يضمه للمنتخب، محدش معترض على احترافه بس يلتزم الأول".
وواصل رضا "انا مشوفتش حد في الأهلي عمل زي الي بيعمله مصطفى محمد مع نادي الزمالك، لو حد في الأهلي عمل كدة كانت رقبته اتقطعت على طول".
وعن التونسي فرجاني ساسي، قال رضا "الي مش عاجبه يمشي، الزمالك هو الي عمل ساسي وبن شرقي ورجع الأخير لمنتخب المغرب".
وأختتم تصريحاته "الي هيتلوي على نادي الزمالك يمشي، ياخد عقده ويمشي، فرجاني ساسي أصلًا بقاله سنة بيشحت كورة".